माओवादी प्रतिपक्षय् च्वनेत तयार : वैद्य

एकीकृत नेकपा (माओवादी)या उपाध्यक्ष मोहन वैद्यं आः गठन जुइगु सरकारय् सहमतिय आधारय् गठन मजुसाः माओवादी प्रतिपक्षय् च्वनेत तयार दुगु खँ धयादीगु दु ।

जनसंचार अभियानं आइतवाः येँय् याःगु छगू अन्तक्रिया ज्याझ्वलय् वैद्यं न्हूगु सरकार गठन यायेत कांग्रेस व एमालेयात इनाप यानादिसें माओवादी प्रतिपक्षय् हे च्वनीगु स्पष्ट यानादिल । वय्कलं आःया अवस्थाय् थःगु दलया नेतृत्वय् सरकार गठन जुइबीगु अवस्था मदुगु नं धयादिल । वय्कलं कांग्रेस व एमालेया कारणं राजनीतिक गतिरोध ताःहाकगु द्वपं तकं बियादिल ।

अथेहे चीन नापया स्वापू क्वतुइकेत माओवादी अध्यक्ष प्रचण्ड चीन भ्रमणय् झाःगु धयादिसें वय्कलं प्रचण्डया चीन भ्रमणयात मेगू कथं मकायेत इनाप यानादिल । वय्कलं निगूलिं जःलाः खलाः देय्नापया स्वापू बांलाके माःगु पक्षय् माओवादी दुगु धयादिल ।