'जनसेनायात कारवाही जुइ'
येँ (सन्ध्या टाइम्स)/प्रधानमन्त्री माधवकुमार नेपालं विशेष समितियात जानकारी हे मबिसे चीन भ्रमण यानावःपिं जनसेनाया कमाण्डरतय्त कारवाही यायेगु ख्याच्वः बियादीगु दु ।
थौं थःगु गृहनगर रौतहट वने न्ह्यः सिमराया विमानस्थलय् संचारकर्मीतलिसे खँ ल्हायेगु झ्वलय् वय्कलं थ्व ख्याच्वः बियादीगु खः। एकीकृत माओवादीया स्थायी समिति दुजः नापं सैन्य विभागया प्रमुख वर्षमान पुन, पोलितब्यूरो दुजः जनार्दन शर्मा, डेपुटी कमाण्डर चन्द्रप्रकाश खनाल, डिभिजन कमाण्डर सुकबहादुर रोका मगर नापं मेमेपिं वंगु २९ गते चीन वंगु खः ।
