सरकारया नेतृत्व यायेत खनाल तयार

नेकपा (एमाले)या नायः झलनाथ खनालं सहमति जुसाः थः सरकारया नेतृत्व यायेत तयार जूगु खँ धयादीगु दु ।

नेपाः भ्रमणय् दुगु विश्व प्रेस काउन्सीलया पुचः नाप शनिवाः खँल्हाबंला यानादिसें नायः खनालं थःम्हं सरकारया नेतृत्व यायेगु अपेक्षा मयानागु जुसां दलत दथुइ सहमति जुसाः थः नेतृत्व यायेत लिमचीलिगु धयादिल ।

वय्कलं माओवादी व कांग्रेसं छगूलिं मेगू पार्टीयात विश्वास यायेमफयाच्वंगुलिं नं थः सरकारया नेतृत्व यायेगु पाखें लिमचीलिगु धयादिल । वय्कलं दलत दथुइ शान्ति व संविधान नापं सरकार गठनया बारे जुयाच्वंगु खँल्हाबंला सकारात्मक जूगु धयादिसें राष्ट्रिय सहमतिया सरकारया विकल्प मदुगु धयादिल ।