थीथी दुर्घटनाय् ३म्ह सित, ३१म्ह घाःपाः
थौं व म्हिग जूगु निगू बिस्कं बिस्कं सतक दुर्घटनाय् लानाः ३म्ह सीगु दुसाः ३१म्ह घाःपाः जूगु दु । म्हिग बहनी इनरुवाया कोसी लोकमार्गय् लाःगु सुनसरी हासपोसाय् निगः मोटरसाइकल ठक्कर नयाः दुर्घटना जूगु खः ।
सुनसरी हासपोसाय् को. ७. प. ७९७२ व को. ४. प. १७३४ नम्बरया मोटरसाइकल ठक्कर नयाः सुनसरी सोनपुरया गौरव राई, इटहरीया प्रमे चौधरी व हासपोसाया शुक्र रम्तेल सीगु खः । अथेहे दुर्घटनाय् घाःपाः जुम्ह सुनसरी सोनापुरया सुरज राईया बीपी कोइराला स्वास्थ्य विज्ञान प्रतिष्ठान धरानय् वासः जुयाच्वंगु दु ।
उखे थौं सुथय् जिरीं येँय् वयाच्वंगु बस दोलखाया नाम्दुलय् दुर्घटना जुयाः ३० घाःपाः जूगु दु । जिरीं यात्रुत ज्वनाः वयाच्वंगु बा. २. ख. ३५७२ नम्बरया बस तीव्र गतिलय् दुगुलिं दुर्घटना जूगु खँ धाःगु दु । दुर्घटनाय् लानाः गम्भीर घाःपाः जूपिं ८म्हेसिया चिरकोटय् वासः जुयाच्वंगु दु ।
