ट्रकं बसयात ठक्कर नकूबलय् २म्ह सीत

चितवनया लोथरलय् वंगु चान्हय् छगः ट्रकं दिकातःगु बसयात ठक्कर नकूबलय् २म्ह सीगु दु । पूर्वं येँय् वनेत्यंगु ना. ३. ख. ३३०७ नम्बरया ट्रकं लोथर बजारय् दिकातःगु ना. ४. ख. ३६४८ नम्बरया बसयात ठक्कर ब्यूगु खः ।

दुर्घटनाय् लानाः १८म्ह घाःपाः जूगु खःसां शुक्रवा सुथय् तकया दुने वासः याकाः १६म्ह छेँय् लिहांवंगु दु । मेपिं निम्हेसिया धाःसाः अवस्था गम्भीर दु । इमिगु वासः चितवन मेडिकल कलेज शिक्षण अस्पतालय् जुयाच्वंगु दु । सीपिनि धाःसा नां सीकेमफुनीगु खँ चितवन जिल्ला प्रहरीं धाःगु दु ।