पुलांपिं पंचत हिन्दू राष्ट्रया पक्षय्
येँ (सन्ध्या टाइम्स)/नेपाःयात हिन्दू राष्ट्र हे दयेकेमाः धइगु पक्षय् आः पुलांपिं पञ्चतय् स्वंगुलिं पार्टी छथाय् च्वं वःगु दु। पुलांपिं पञ्चतय्सं गठन यानातःगु राष्ट्रिय प्रजातन्त्र पार्टीपाखें हे कुचा जुयाः वंगु कमल थापाया राप्रपा नेपाल, सूर्यबहादुर थापाया राष्ट्रिय जनशक्ति पार्टी व आः पशुपति शम्सेर अध्यक्ष जुयाच्वंगु मूल पार्टी राप्रपां नेपाःयात हिन्दू राष्ट्र हे घोषणा यायेमाः धइगु पक्षय् छथाय् च्वं वःगु खः। थ्व स्वंगुलिं हे पार्टीं आः हिन्दू राष्ट्रया पक्षय् सः तसें अभियान न्ह्याकेगु तयारी यानाच्वंगु खँ सीदुगु दु ।
थौंकन्हय् माओवादी अध्यक्ष प्रचण्डया अध्यक्षताय् नीस्वनातःगु उच्चस्तरीय राजनीतिक कार्यदल दुने नं थ्व स्वंगू पार्टीं थ्वहे लाइनय् खँ तसें यदि धर्म निरपेक्ष घोषणा यायेगु खःसा जनमत संग्रह यायेमाः धइगु बिचाः तःगु खः ।
