न्यान्हुलिपा पुलांम्ह मन्त्रीया दाहसंस्कार
येँ (सन्ध्या टाइम्स)/येँया महाराजगंजय् च्वंगु प्रहरी प्रतिष्ठानय् तयातःम्ह पुलांम्ह मन्त्री नापं एकीकृत माओवादीया केन्द्रीय सल्लाहकार अम्बिका साँवाया थौं दाहसंस्कार याइगु जूगु दु। येँया पशुपति आर्यघाटय् वय्कःया सिथं यंकी धाःगु दु। १ बजे तक पार्टीया केन्द्रीय ज्याकुथी तयाः माओवादी अध्यक्ष प्रचण्ड नापं मेमेपिं नेतातय्सं अन्तिम श्रद्धाञ्जली यायेगु ज्याझ्वः तयातःगु दु। पुलांम्ह मन्त्री साँवा वंगु आइतवाः काठमाण्डौं मोडल अस्पतालय् वासः याकुयाकुं मदुगु खः। १९९७ चैत्र महिनाय् ताप्लेजुङया खोक्लीङ गाविसय् जन्म जूम्ह वय्कः नेकपा (माले) व राप्रपाया मंकाः सरकारया इलय् जनसंख्या तथा वातावारण मन्त्री जुयादीम्ह खः। साँवा २०६२ सालंनिसें माओवादीइ प्रवेश जूगु खः ।
