चालकयात ज्वनेगु सर्तय् यातायात संचालन

येँ (सन्ध्या टाइम्स)/उदयपुरया त्रियुगा नगरपालिकाया करमगाछि लागाय् थौं सुथय् बसं क्यलाः २८ दँ दुम्ह सुदिप खड्का सीगु दु। वय्कःया छेँजः नापं स्थानीय मनूत जानाः चालकयात ज्वनाः कारवाही यायेमाःगु माग यासें थौं सुथय् ८ ताः इलंनिसें १० ताः ई तक यातायात बन्द याना बिउगु खः। बसया चालकयात थौं सनिलय् न्याताः इलय् तकया दुने ज्वनेगु सर्तय् यातायात संचालन याःगु खः ।

ना. ३ ख ८४३१ नम्बरया बस चाःहिकेत्यंगु इलय् उगु दुर्घटना जूगु खः। बसयात प्रहरीं नियन्त्रणय् काःगु दुसा चालक धाःसा बिसिउँ वंगु दु ।