पुलाम्ह मन्त्री सावाँया अन्तिम संस्कार

पुलाम्ह मन्त्री नापं एनेकपा (माओवादी)या सल्लहाकार दुजः अम्बिका साँवाया दाहसंस्कार बिहीवाः पशुपति आर्यघाटय् जुल । न्यान्हु न्ह्यः वासः याकाच्वंगु इलय् हे येँया मोडेल अस्पतालय् मदुम्ह सावाँया सीम्हयात येँया महाराजगंजय् च्वंगु प्रहरी प्रतिष्ठानय् तयातःगु खः । थौं दाहसंस्कार याये न्ह्यः वय्कया सीम्हय् माओवादी नायः पुष्पकमल दाहाल 'प्रचण्डं' पार्टीया ध्वाँय् फ्याकादीगु खः ।

ताप्लेजुङया खोक्लिङ गाविसय् वि. सं. १९९७ चैतय् जन्म जुयादीम्ह साँवा नेकपा (एमाले) व राप्रपा संयुत्तया सरकारय् जनसंख्या व वातावरण मन्त्री जुयादीगु खः । वय्कया छम्ह काय् व ६म्ह म्ह्याय् दु ।