सभामुखं क्यानेडियन समकक्षी नापलात

सभामुख सुभाषचन्द्र नेम्वाङं थः क्यानेडिय समकक्षी पिटर मिलिकनयात नापलाना खँल्हाबंला यानादीगु दु । क्यानाडाया संघीय संसद भवनय् जूगु नापलाय् ज्याय् निगू पक्षीय हितया बारे खँल्हाबंला यानादीगु खः ।

क्यानाडा सरकार व क्यानेडियन बार एसोसिएसनया ब्वनाय् सभामुख नेम्वाङ नेपाःया ११म्ह दुजःया नेतृत्व यानाः क्यानेडा पाखे झायादीगु खः । नेपाःया प्रतिनिधिमण्डलं अनया संघीय प्रणालीया बारे अध्ययन याइगु ज्याझ्वः दु ।