साउदीइ जूगु रेल दुर्घटनाय् ३म्ह नेपाली ज्यामित सित

साउदी अरवियाय् सोमवाः छगः रेल दुर्घटना जुयाः ३म्ह नेपाःमि नापं छम्ह भारतीय व छम्ह बंगालदेशी ज्यामि सीगु दु । साउदी अरवियाया किलो फोर जीरो सेभेनय् रेलया लिग मर्मत यानाच्वंगु इलय् रेल चालकं ब्याक याःगु इलय् दुर्घटना जूगु खः ।

राजधानी रियादं थ्यंमथ्यं २५गू किलोमिटर पूर्वय् लाःगु थासय् छगू दुर्घटनाय् लालबाबु बैना, प्रदीप मुखिया व साजय गनगाई सीगु खँ साउदी अरवियास्थित नेपाली राजदूतावासं धाःगु दु । दुर्घटनाय् लानाः बाँकेया नैनिसंह खड्का घाःपाः जूगु दु । घाःपाः जूम्ह खड्काया स्थानीय अस्पतालय् वासः जुयाच्वंगु दु ।