बस न्ह्यानाः ५ मिनेटया दुने हे दुर्घटना, ३०म्ह घाःपाः

पाल्पां येँया निंतिं वयाच्वंगु बस ५ मिनेट दुने हे दुर्घटना जुयाः ३० यात्रुत घाःपाः जूगु दु । मंगलवाः सनिलय् तानसेनं वःगु ना. ३. ख. ७४३८ नम्बरया बस तानसेनया होलाङ्दीलय् दुर्घटनाग्रस्त जूगु खः । दुर्घटनाग्रस्त बस सतकं ५० मिटर क्वयेकुतुवंगु खः । घाःपाः जूपिनि तानसेन मिसन अस्पताल व लुम्बिनि मेडिकल कलेजय् वासः जुयाच्वंगु दु ।

बसय् क्षमता स्वयां अप्व यात्रुत दुगु व अत्याधिक गतिलय् ब्वाकूगुलिं बस दुर्घटना जूगु खँ प्रहरीं धाःगु दु ।