येँय् नं भुखाय्या धक्का

वंगु चान्हय् तिब्बति क्षेत्रय् वंगु भुखाय्या धक्काः येँय् नं लाःगु दु । चान्हय् १:२६ मिनेटय् तिब्बतया चिच्याङ क्षेत्रयात केन्द्रविन्दु दयेकाः ५ रेक्टर स्केलया भुखाय् ब्वःगु खः । येँ नं थ्यंमथ्यं १०० किलोमिटर उत्तरय् लाःगु तिब्बतया चिच्याङयात केन्द्रविन्दु दयेका भुखाय् ब्वःगु खँ खानी तथा भुकम्पमापन केन्द्रं धाःगु दु ।

नेपाःया उत्तरी क्षेत्रय् भुखाय् ब्वःगुलिं नेपाःया उत्तरी भेगय् अप्वः धक्का महसुस याःगु खः । स्वनिगः व जःखःया क्षेत्रय् नं भुखाचया हल्का धक्का महसुस याःगु केन्द्र धाःगु दु ।

नेपाःया उत्तरी क्षेत्र व तिब्बत भुकम्पीय दृष्टिकोणं तसकं ग्यानापूगु धलखय् लानाच्वंगुलिं थुकथंया भुखाचयात सामान्य कथं जक कायेमज्यूगु खँ धाःगु दु ।