मिसा हायेकूगु खँय् कचवं जुइवं २म्हेसिता स्यानाबिल

नवलपरासीया दाउन्ने देवीइ मिसा हायेकूगु बिषयलय् कचवं जुया ल्वापू जुइवं खुकुरीं पालाः २म्ह ल्याय्म्हतय्त स्यानाब्यूगु दु । खुकुरीं पालाः दाउन्ने देवी-७ या २७दँया सुरेश देवकोटा व वया किजा २२दँ दुम्ह मनोज देबकोटायात स्यानाब्यूगु खँ नवलपरासी प्रहरीं धाःगु दु ।

वंगु चान्हय् सामान्य कचवं जुइवं स्थानिय ३५दँ दुम्ह सगंम तामाङं इमित खुकुरीं पाःगु खः । इमित वासः यायेगु निंतिं बुटवल यंकाच्वंगु इलय् लँय् हे सीगु खः ।

घटना लिपा बिस्युवंपिं ३५दँया सगंम, ३४दँया सन्दिप तामाङ व ३३दँया नुमराज गुरुङयात प्रहरीं मालाच्वंगु दु ।