प्रधानसेनापति कोरिया प्रस्थान

प्रधानसेनापति छत्रमानसिंह गुरुङ आइतवाः सनिलय् दक्षिण कोरिया प्रस्थान यानादीगु दु । दक्षिण कोरियाया राजधानी सोलय् जुइत्यंगु एसिया प्रशान्त क्षेत्रया सेना प्रमुखतय् झिंस्वयक्वःगु सम्मेलनय् ब्वति कायेत गुरुङ उखे पाखे प्रस्थान यानादीगु खः ।

एसिया प्रशान्त क्षेत्रया २८गू देय्तय् सैनिक प्रमुखतय् ब्वति दइगु उगु सम्मेलनय् थुगु लागाया सुरक्षा हाथ्या व अवलम्बन यायेमाःगु भावी रणनीति बारे सहलह जुइगु खँ धाःगु दु । कात्तिक ५ गते तक न्ह्याइगु सम्मेलन लिपा प्रधानसेनापति गुरुङ शनिवाः येँ लिहांझायादी ।

वय्कया अनुपस्थितिइ बलाध्यक्ष रथी तोरणजंगबहादुर सिंहयात कायम मुकायम सेनापतिया जिम्मेवारी ब्यूगु दु ।