दुर्घटनाय् छखाः हे छेँया ५म्ह सित

पूर्वपश्चिम राजमार्ग अन्तर्गत मोरङया काने पोखरीइ बस व मोटरसाईकल ल्वानाः जूगु दुघर्टनाय् ५म्ह सीगु दु ।

पश्चिमं पूर्वपाखे वनाच्वंगु मे. २. ख. ७७८२ नम्बरया बस व अःखः दिशां वयाच्वंगु मे. १. प. ७५७३ नम्बरया मोटरसाइकल ल्वानाः दुर्घटना जूगु खः । दुर्घटनाय् मोटरसाइकलय् वःपिं छखा हे छेँया ५म्ह दुजः सीगु खः ।

दुर्घटनाय् लानाः मोरङ राजघाट- ७या ३५दँया शशिधर अधिकारी, वय्कया जाहान ३५दँया हे देवी, १३दँया म्ह्याय् प्रितम व १०दँया प्रिजम नापं ७दँया काय् पीतम अधिकारी घटनास्थलय् हे सीगु खः ।

दुर्घटना लिपा प्रहरीं बसयात नियन्त्रणय् काःगु दुसाः बस चालक धाःसा बिस्यूवंगु खँ धाःगु दु ।