संविधानसभाया अध्यक्ष सहितया पुचः क्यानडा पाखे

संविधान निर्माण व सरकार गठनया ज्या अलपत्रय् लानाच्वंगु इलय् संविधानसभाया अध्यक्ष सुभाषचन्द्र नेम्वाङनापं ११म्हेसिया पुचः थौं क्यानडा वंगु दु । क्यानाडा सरकार व क्यानेडियन बार एसोसियसनया मंका ब्वनाय् उच्चस्तरीय प्रतिनिधिमण्डल अन वंगु खः । पुचलं क्यानडाया संघीय न्यायिक प्रणाली अध्ययन याइगु ज्याझ्वः दु ।

नेम्वाङ नापं माओवादी सभासद् एकराज भण्डारी, कांग्रेस सभासद् पुष्पा भुसाल, एमाले सभासद् अग्नी खरेल व मधेसी जनअधिकार फोरम लोकतान्त्रिकया सभासद् रामजनम चौधरी उखे पाखे वंगु दु ।

अथेहे संसदया महासचिव मनोहर भट्टराई, सहसचिव टेकप्रसाद ढुंगाना व ४म्ह बार एसोसिएसनया पदाधिकारीत नं संविधानसभा अध्यक्ष नापं क्यानाडा वंगु दु ।