भारतीय द्वपंया सरकारी खण्डन

नेपालया माओवादीं भारतीय माओवादीयात सैन्य तालिम बियाच्वंगु धकाः भारतं ब्यूगु द्वपंयात नेपाल सरकारं खण्डन याःगु दु ।

गृह मन्त्रालयं शुक्रवाः छगू विज्ञप्ति पिथनाः छिमेकी देय्या विरुद्ध थःगु भूमि छ्यले मबीगु खँ धाःगु दु । नेपाःया भूमिलय् सुं नं आतंककारी पुचःया गतिबिधि जुइमबीत नेपाल सरकार कतिबद्ध दुगु खँ विज्ञप्ति न्ह्यथनातःगु दु ।

छुं दिं न्ह्यः भारतीय न्ह्पिौ 'इन्डियन एस्प्रेसं' नेपाःया माओवादी व पाकिस्तानया आतंककारी पुचः लस्कर अए तोयबां नेपाःया भूमिलय् भारतीय माओवादीयात सैन्य तालिम बियाच्वंगु द्वपं ब्यूसें बुखँ पिथंगु खः ।

उगु बुखँ पिहांवयेवं माओवादी लडाकुया प्रमखु नन्दकिशोर पुन 'पासाङं' छगू विज्ञप्ति पिथना भारतीय द्वपंया खण्डन यासें उगु बुखँ माओवादीयात बदनाम यायेत वःगु खँ धाःगु खः ।