मोहनी लिपा सरकार विहिनताया अवस्था क्वचाइ : देउवा
नेपाली कांग्रेसया वरिष्ठ नेता शेरवहादुर देउवां मोहनि लिपा सरकार विहिनताया अवस्था क्वचाइगु खँ धयादीगु दु । वय्कलं प्रधानमन्त्री ल्ययेमफुगुलिं जनताय् अन्यौलता अप्वःगु धयादिल ।
मित्र युवा पुचलं थौं येँय् मोहनिया लसताय् याःगु तुच्चा व सम्मान ज्याझवलय् नेता देउवां जनताय् शान्ति व संविधान निर्माण मजुइ धकाः च्यूताः दुगु धयादिल । वय्कलं देय्या विद्यमान समस्यायात देय् पिने नं मखुसें संविधानसभां हे समाधान मालेमागु धयादिल ।
कांग्रेसया महामन्त्री प्रकाशमान सिंहं न्हिछिया २४क्वः तक चुनाव जुसां न कांग्रेसं उम्मेदवारी लित मकायेगु धयादिल । वय्कलं वैधानिक लपुँयात त्वताः अवैधानीक लपुँइ वनेत स्वयाच्वंम्ह एमाले अध्यक्ष झलनाथ खनालं हे प्रजातन्त्र क्वचायेकेत स्वयाच्वंगु द्वपं बियादिल ।
ज्याझ्वलय् पुलाम्हं प्रधानसेनापति रुक्माङ्ग कटवालं जनताया चाहना व विश्व जनसमुदायया प्राथमिकतालय् दुगु प्रजातन्त्र हे नेपाःया आवश्यकता जूगु धयादिल ।
