कारवाही दिकेत कांग्रेसया पहल
प्रधानसेनापति रुकमांगत कटवालया कारवाही प्रकृया दीकेत पहल यानाबीत एमाले नेता माधव नेपालयात इनाप याःगु दु ।
शुक्रवाः न्हिनय् नेपाल निवास कोटेश्वर थ्यंगु कांग्रेस नेतातय्सं सेनेपतिया कारवाही दीकेत पहल यानादीत एमाले नेता नेपालयात इनाप यानादीगु खः । लोकतन्त्रया निंतिं ग्वहालि यानाच्वंगु नेपाली सेनायात कारवाही यासाः बामलाइगु असर लाइगुलिं सेनापतिया कारवाही दीकेत पहल यानाबीत एमाले नेता नेपालयात इनाप याःगु खः ।
कांग्रेस उपसभापति रामचन्द्र पौडेल व केन्द्रीय दुजः कृष्ण प्रसाद सिटौला नेपाल निवास कोटेश्वर थ्यंकादीगु खः । माओवादी नेतृत्वया सरकारं सेनापति कारवाही प्रकृया मदीकेगु धायेवं कांग्रेस नेतातय्सं उकीयात दीकेगु पहल यानाबीत एमाले नेता नेपालयात इनाप याःगु खः ।
खँल्हाबंलाय् थम्हं माओवादी नेतृत्वनाप नं थ्व खँय् निरन्तर सहलह जारी यायेगु खँ एमाले नेता नेपलं कनादिल । वयेकलं थःगु पार्टीया महत्वपूर्ण बैठक जारी जुगुलिं थ्व बारेय् पार्टीं याइगु निर्णयलय् थः कटिबद्ध जुइगु खँ कनादिल । कांग्रेस नेता कोटेश्वर वनेन्ह्यः सभापति गिरिजाप्रसाद कोइरालाया निवासय् सहलह याःगु खः । वयकःपिंसं कारवाही प्रकृया मदीकूसाः आन्दोलनया ज्याझ्व न्हाकातु तेयेगु निर्णय याःगु दु ।
