धादिङय् जूगु दुर्घटनाय् २म्ह सित

मोहनीया निंतिं छेँ वनेत्यंपिं यात्रु ज्वना वनाच्वंगु गाडी धादिङय् दुर्घटना जुइवं २म्ह सीगु दु । धादिङ वेसीं तिन्ताङफेदी पाखें वनाच्वंगु बा. १. ख. २३६९ नम्वरया मिनिट्रक मार्पाक गाविस बडा नं ७ य् दृर्घटना जुइवं २म्ह घटनास्थलय् सीगु खः । सीपिं धादिङ गुम्दीया ३५दँया शिवराम सिम्खडा व सतीदेवीया १८दँया काईला मगर खः । दुर्घटनाय् लाना थ्यंमथ्यं छगू दर्जन मनूत घाःपाः जूगु दु ।

अथेहे पूर्व पश्चिम राजमार्ग अन्तर्गत नवलपरासीया दुम्किबासय् च्वंगु खहरे खुसिइ थौं सुथय् बस फाटापुला थ्यंमथ्यं २छम्ह यात्रुत घाःपाः जूगु दु । येँ नं दाङय् वनाच्वंगु ना. ४. ख. ३६५८ नम्बरया बस सतकं ३०गू मिटर क्वये खुसिइ कुत्वनाः दुर्घटना जूगु खः । दुर्घटनाय् लाना घाःपाः जूपिंत बुटवल व चितवनया थीथी अस्पतालय् वासःया निंतिं तयातगु दु । घाःपाः जुपिं मध्ये १५म्हेसिया अवस्था चिन्ताजनक जूगु खँ धाःगु दु ।