कार्यदलया संयोजकय् प्रचण्ड

संविधान निर्माणया विवादित विषयलय् सहमति यायेत गठन याःगु उच्चस्तरीय कार्यदलया संयोजकय् माओवादी अध्यक्ष पुष्पकमल दाहाल 'प्रचण्ड'यात ल्यःगु दु ।

सभामुख सुभाषचन्द्र नेम्वाङया ज्याकूथीइ बुधवाः च्वंगु कार्यदलया बैठकं प्रचण्डयात संयोजकय् ल्ययेगु नापं कार्यदलया ग्वाहालि यायेत मेपिं नेतातय् नां नं क्वःछिउगु दु । कार्यदलया ग्वहालि यायेगु निंतिं माओवादी पाखें देव गुरुङ, कांग्रेसपाखें डा. रामशरण महत, एमालें भरतमोहन अधिकारीया नां क्वःछिउगु दु । अथेहे रत्नेश्वरलाल कायस्थ, सुनिल प्रजापति, प्रेमबहादुर सिंह व रुक्मणी चौधरीया नां नं क्वःछिउगु दु ।

थ्वस्वयां न्ह्यः संविधानसभाय् दुगु विवादित विषययात राजनीतिक सहमति यायेत ७म्ह दुजः दुगु कार्यदल गठन याःगु खः । कार्यदलय बैठक कन्हय् न्हिनय् हानं च्वनीगु जूगु दु ।