पौडेलया प्रम जुइगु सम्भावना शून्यं माइनस पाखे : खनाल
नेकपा (एमाले)या नायः झलनाथ खनालं वर्तमान गतिरोधया कारणं नेपाली कांग्रेस जूगु द्वपं बियादीगु दु । वय्कलं कांग्रेसया हे कारणं लोकतन्त्र धरापय् लाःगु द्ववं तकं बियादीगु दु ।
रिपोटर्स क्लबं बुधवाः येँय् याःगु छगू साक्षात्कार ज्याझ्वलय् वय्कलं कांग्रेस नेता रामचन्द्र पौडेलं प्रधानमन्त्रीया निंतिं उम्मेदवारी लितमकायेकं सहमति मजुइगु धयादिसें पौडेलया प्रधानमन्त्री जुइगु सम्भावना न्यून जूगु धयादिल । वय्कलं धयादिल, 'पौडेलया प्रधानमन्त्री जुइगु सम्भावना शून्यं मानस पाखें कुहांवःगु दु ।'
जेठ १४या दुने संविधान निर्माण मजुसाः देय् संकटय् लाइगु धयादिसें खनालं उकीया निंतिं पौडेलं आः प्रधानमन्त्री जुइगु इच्छा त्वःताः न्हूगु प्रक्रियाय् वनेमाःगु धयादिल । वय्कलं जेठ १४ तक संविधान निर्माण जुइगु अवस्था मवसाः उकीया जिम्मेवारी कांग्रेसं कायेमाःगु धयादिल ।
मेगू छगू प्रशंगय् मदुम्ह गिरिजाप्रसाद कोइरालां थःत स्वक्वः तक प्रधानमन्त्रीया निंतिं प्रस्तावा याःगु धयादिसें खनालं थः प्रधानमन्त्री जुइत गवलें मरिहत्ते मयानाःगु दावी यानादिल ।
