मौना सुनारया अभियुक्तयात कारवाही यायेत राष्ट्रसंघया इनाप

संयुक्त राष्ट्रसंघं सशस्त्र द्वन्दया इलयय् काभ्रेया मैना सुनारयात स्याःगु द्वपं लाःम्ह नेपाली सेनाया अधिकृतयात कारवाही यायेत इनाप याःगु दु । राष्ट्रयसंघया मू ज्याकूथीइ मंगलवाः याःगु पत्रकार सम्मेलनय् बालबालिका व सशस्त्र द्वन्दसम्बन्त्री राष्ट्रसंघीय महासचिवया विशेष प्रतिनिधि राधिका कुमारास्वामीं सैनीक अधिकृत मेजर निराजन बस्नेतयात कारवाही यायेत सरकारया ध्यानाकर्षण याःगु दु । वय्कलं सुनार हत्याकाण्डय् संलग्न दोषीयात कारवाही मजुतले कारवाहीया निंतिं राष्ट्रसंघं पहल यानाच्वनीगु धयादिल ।