थरुहट स्वन्हूया न्हि नं बन्द

सरकारं सहमति पालना मयागु धासें थरुहट मंका: संघर्ष समितिया आव्हान याःगु अनिश्चितकालीन तराई बन्दया प्रभाव शुक्रवाः स्वन्हूया न्हि नं तराईया जिल्लाय् लाःगु दु ।

बन्दकर्तातय्सं सवारी साधनय् तकं तोडफोड याःगु दु । सुनसरी बाघु दर्जन सवारी साधनत तोडफोड याःगु दुसाः दाङय् निगः मोटरसाइकलय् तोडफोड याःगु दु ।

बन्दया कारणं राजमार्ग, बजाः, उद्योग, कलकारखाना, शिक्षण संस्था व ज्याकू बन्द जुयाच्वंगु दु । उखे दाङ व बांकेलय् धासाः स्थानीय प्रशासनं बिहिवाः बहनि राजमार्ग क्षेत्रय् कफ्र्यू तया सवारी साधनयात गन्तव्य स्थलतक थ्यंकेगु कुतः याःगु खः ।

वंगु बिहिवाः शान्तिमन्त्री जनार्दन शर्मां छगू पत्रकार सम्मेलन यानाः सहमति पालना यायेत सरकार तयार दु धासां थरुहट मंकाः संघर्ष समितिं सहमति पालना मजूतल्ले अनिश्चितकालीन तराई बन्द यानाच्वंगु दु ।