प्रधानसेनापति गुरुङ लिहांझाल

नेपाली सेनाया प्रधानसेनापति छत्रमानसिंह गुरुङ थःगु बेलायत भ्रमण क्वचायेकाः बुधवाः येँय् लिहांझायादीगु दु । झिन्हुन्यंकया औपचारिक बेलायत भ्रमण क्वचायेकाः वय्कलं बुधवाः सनिलय् येँय् थ्यंकादीगु खः । वय्कयात कायम मुकायम प्रधानसेनापति रथी तोरण जंगबहादुर सिंहं त्रिभुवन अन्तर्राष्ट्रिय विमानस्थलय् लसकुस याःगु खः । नापं वय्कयात नेपाली सेनाया छगू टुकडीं सम्मान गारत अर्पण याःगु खः ।

बेलायतय् प्रधानसेनापति गुरुङं बेलयात समकक्षी जनरल सर पिटर वालनाप खँल्हाबंला यानादीगु खः । बेलायती सेनाया सेनाध्यक्षया हे ब्वनाय् बेलायत झायादीम्ह गुरूङयात अन बेलायतया हार्स गार्ड परेडय् फस्ट बटालियन जेन्डर गार्डं वय्कया सम्मान नं याःगु खः ।