भाषाथुवाः डीएन प्रधान मंत
येँ (सन्ध्या टाइम्स)/भारतया दार्जिलिङ्गय् नेवाः भाय् व जातिया उत्थान यायेगु ज्याय् तःजिगु योगदान दुम्ह भाषाथुवाः भाजु डी.एन. प्रधान मंत ।
वय्कलं भारतया थीथी प्रान्तय् च्वनाच्वंपिं नेवाःतय् हक हित सुरक्षाया लागिं आपालं ज्या यानादीगु दु। दार्जिलिङ्ग मू थाय् खःसां भारतन्यंकंया नेवाःतय्त छप्पँ यायेगु ज्याय् वय्कलं आपालं ज्या यानादीगु दु। भारत सरकारं अनया जनजातितय्त बीगु ओबीसी सुविधा नेवाःतय्त नं बीकेगु ज्याय् वय्कलं भूमिका म्हितादीगु खः। वय्कः अखिल भारतीय नेवार संगठनया नायः नं खः ।
वय्कःया थुपिं योगदानया कदर यासें येँय् नेपालभाषा परिषदं वय्कःयात 'भाषाथुवाः' मानार्थ उपाधिं सम्मानित याःगु खः ।
