कन्हसंनिसें कार्यदलं ज्या याइगु
येँ (सन्ध्या टाइम्स)/संविधान निर्माणया नितिं जुयाच्वंगु विवाद ज्यंकेत स्वंगू मूमू दलया शीर्ष नेतात नापं दुथ्याकाः दयेकूगु कार्यदलं कन्हसंनिसें नियमित बैठक च्वनाः थःगु ज्या न्ह्याकीगु जूगु दु। कन्हय्या बैठकं आः थःपिंसं यायेमाःगु कार्यनीतिया खाका तयार याइ धाःगु दु। म्हिगः संविधानसभा भवनय् संविधानसभाय् दुथ्याःगु नीन्हय्गुलिं दलया मंकाः बैठक च्वनाः उगु मंकाः कार्यदल नीस्वंगु खः। कार्यदलय् माओवादीया अध्यक्ष प्रचण्ड, कांग्रेसया रामचन्द्र पौडेल व एमालेया अध्यक्ष झलनाथ खनाल नं च्वनादीगु दु ।
