म्हो विकसित मुलुकया विज्ञतय् बैठक

येँ (सन्ध्या टाइम्स)/विश्वया तसकं म्हो जक विकसित मुलुकया विज्ञतय्गु १८ क्वःगु बैठक थनिंनिसें येँय् शुरु जूगु दु। असोज १९ गते तक न्ह्याइगु उगु बैठकय् १२ गूसिबें अप्वः देय्या विज्ञतय्सं ब्वति कयाच्वंगु दु। राष्ट्रिय अनुकूलन ज्याझ्वःया तयारी व कार्यान्वयनया सवालय् सहलह ब्याकेत व दिशानिर्देश यायेत थ्व बैठक च्वनेत्यंगु खः। बैठकय् युगान्डा, क्यानाडा, माल्दिभ्स नापं थीथी देय्या विज्ञतय्सं ब्वति काइगु खँ धाःगु दु ।