क्यान्सर ल्वगितय्त देय्न्यंकं सेवा
ख्वप (सन्ध्या टाइम्स)/ भक्तपुर क्यान्सर अस्पतालया झिंखुदँ बुदिं ज्याझ्वः स्वास्थ्य मन्त्री उमाकान्त चौधरीं उलेज्या यानादिल। ज्याझ्वलय् न्ववासें वय्कलं देशय् क्यान्सर ल्वगितय् लागिं वीपी मेमोरियल क्यान्सर अस्पताल व भक्तपुर क्यान्सर अस्पताल निगू जक अस्पताल दुगुलिं आः याकनं हे सरकारं देय्न्यंकं क्यान्सर ल्वगितय् सेवा विस्तार यायेत्यनागु खँ कनादिल ।
अस्पतालया निर्देशक लोकेन्द्र कुमार श्रेष्ठया सभापतित्वय् जूगु उगु ज्याझ्वलय् अस्पताल स्थापना कालंनिसें आः तक ज्या यानाच्वंपिं कर्मचारीतय्त हनेज्या जूगु खः। समारोहय् ख्वपया प्रजिअ दीपकराज नेपाल, पुलांम्ह सभासद् लेखनाथ न्यौपाने, डा. सुदिप श्रेष्ठपिंसं नं न्ववानादीगु खः ।
