रत्नपाणि मखु शाक्यमुनि तयेत इनाप
यल (सन्ध्या टाइम्स)/थनया श्रीबहालय् च्वंगु श्रीबच्छ महाविहारय् च्वंम्ह बुद्धया नां पाक्क पिने बोर्ड दयेकाः तयातःगु खँयात कयाः पुरातत्वं विभागं ध्यानाकर्षण याःगु दु।
उगु विहारया गर्भगृहय् च्वंम्ह बुद्ध शाक्यमुनि बुद्ध खःसां विहारया पिने व रेलिङ्गय् गल्तिवस रत्नपाणि बोधिसत्व धकाः च्वयातःगुलिं अथे च्वयातःगु बोर्ड चीकाः शाक्यमुनि बुद्ध धकाः हे उल्लेख यायेत नं विभागं इनाप याःगु दु। विहारया पिने मखुगु नां च्वया तल धकाः भाजु बुद्धाचार्य शाक्यं पुरातत्व विभागय् उजुरी तयादीगु खः ।
