'नेपाली माओवादीं भारतीय माओवादीयात प्रशिक्षण'

भारतं नेपाःया माओवादीं भारतीय माओवादीयात प्रशिक्षण बियाच्वंगु द्वपं ब्यूगु दु । भारतीय केन्द्रिय सरकारं पश्चिम बंगाल सरकारयात छगू पौ च्वयाः भारतीय माओवादीयात नेपाःया माओवादीं प्रशिक्षण बियाच्वंगु बारे सतर्क याःगु दु ।

भारतीय सरकारं पश्चिम बंगाल सहित माओवादी प्रभातिव च्यागू राज्यया प्रहरी प्रमखुयात आन्ध्र प्रदेशया ५म्ह माओवदीत नेपाः वयाः प्रशिक्षण काःगु खँ न्ह्यथनातःग दु । अथेहे ५म्हेसित नेपाली माओवादीया जनसेनां तालिम ब्यूगु व वयां लिपा थप २५म्ह उगु प्रशिक्षणय् ब्वति काःगु खँ धाःगु दु ।

थुके एकीकृत नेकपा (माओवादीं) भारतं मखूगु द्वपं ब्यूगु धासें भारतीय धापूया खण्डन याःगु दु । माओवादीं थःपिनिगु स्वापू भारतीय सरकारनाप स्यनाच्वंगु हुनिं भारतीय पक्षं थंज्याःगु द्वपं ब्यूगु जुइफुगु खँ धाःगु दु ।