विवादित विषयलय् सहमति यायेत कार्यदल

संविधानसभाया बिषयगत समितिया मस्यौदाय् खनेदुगु विवादित विषयलय् सहमति कायम यायेत ७म्ह दुजः दुगु कार्यदल गठन याःगु दु ।

संविधानसभा भवन न्हू बानेश्वरय् सोमवाः च्वंगु २७गू दलया बैठकं माओवादी अध्यक्ष पुष्पकमल दाहाल 'प्रचण्ड', कांग्रेस संसदीय दलया नेता रामचन्द्र पौडेल व एमाले अध्यक्ष झलनाथ खनाल दुगु कार्यदल गठन याःगु खः ।

अथेहे उगु कार्यदलय् मधेसी जनअधिकार फोरमया अध्यक्ष उपेन्द्र यादव, नेमकिपाया अध्यक्ष नारायणमान बिजुक्छे, समाजवादी प्रजातानिन्त्रक दलया प्रेमबहादुर सिंह व सभासद् रुकमीणी चौधरी नं उगु कार्यदलया दुजःया रुपय् ल्ययेगु दु ।