माओवादीयात नागरिक दलय् हिलेत पोखरेलया इनाप

नेकपा (एमाले)या महासचिव ईश्वर पोखरेलं माओवादी लडाकु समायोजन, वाइसिएलया व्यारेकीकरण भंग थंज्याःगु शान्ति प्रक्रियाया ज्या पूमवनीगु कारणं हे संक्रमणकाल ताःहाक जूगु खँ धयादीगु दु ।

शान्ति प्रक्रियाय् वयेधुंकाः नं माओवादीं हिंसात्मक गतिविधि मत्वतुगु धयादिसें माओवादीयात नागरिक दलय् रुपान्तरण जुइत वय्कलं इनाप यानादिल । वय्कलं वाइसिएलया ब्यारेक भंग, कव्जा यानातःगु छेँबुँ लितबीगु व धम्कीया राजनीति मत्वतुतले माओवादी नागरिक दल जुइमफइगु नं धयादिल ।

अनेरास्ववियुं सोमवाः थौं येँय् याःगु छगू ज्याझ्वलय् महासचिव पोखरेलं शान्ति प्रक्रिया पू मवंतले लोकतान्त्रिक संविधान निर्माण जुइमफइगु धयादिल । वय्कलं गणतन्त्र, संघीयता व धर्मनिरपेक्षता सम्बन्धी निर्णययात संस्थागत यायेत लोकतान्त्रिक संविधान निर्माण जुइमाःगु धयादिल ।