कोटेश्वरय् खुगू लेनया सतक उलेज्या

नेपालय् हे दकल न्हापां निर्माण याःगु खुगू लेनया तीनकुने-सूर्यविनायक सतकखण्डया थौं उलेज्या जूगु दु । येँया कोटेश्वरय् छगू ज्याझ्वःया दथुइ सतक विभागया महानिर्देशक रामकुमार लम्साल, जापानी राजदूत टिमि जुनो व जाइकाया नेपाः प्रमुख काबा साकीं मंकाः रुपं सतकया उलेज्या यानादीगु खः ।

खुगू लेनया सतक न्हापांगु जूगुलिं सतक दुर्घटना न्युनिकरण, ट्राफिक व्यवस्थापन गुकथं यायेफइ धकाः सीकेगु निंतिं निर्माण ज्या क्वचाये न्ह्यः हे सतक उलेज्या यानागु सतक निर्माण आयोजनां धाःगु दु ।