लक्ष्मण थारुयात गेष्ट हाउसं ज्वन

संघीय लोकतान्त्रिक राष्ट्रिया पार्टीया अध्यक्ष लक्ष्मण थारुयात आइतवाः छगू गेस्टहाउसं ज्वंगु दु । येँया बागबजार स्थित श्री गणेश गेष्ट हाउसं थारुयात छम्ह मिसा नापं आपत्तिजनक अवस्थाय् ज्वंगु खः । प्रहरीं गेष्ट हाउसया संचालिका पार्वती पुरीयात नं नियन्त्रणय् काःगु दु ।

प्रहरीं सुराकीया आधारय् आइतवाः सुथय् ९ बजे छापामारे यानाः थारु लगायत मेपिं निम्हेसित ज्वंगु खः । ज्वनेधुंकाः थारुं प्रहरीनापया बयानय् थः नापं ज्वंम्ह मिसा थःगु पार्टीया कार्यकर्ता जूगु व छुं ई लिपाः हे थःपिं ईहिपा यायेत्यनागु खँ धाःगु दु । प्रहरीं धाःसा थुकीया बारे थप अनुसन्धान यानाच्वंगु खँ धाःगु दु ।