सेनापतियात कारबाही याना हे त्वते : कानुनमन्त्री

कानुनमन्त्री देव गुरुङं प्रधानसेनापति रुकमांग कटुवालं स्पष्टिकरणय् आत्मसमिक्षा व गल्ती स्वीकार मयागुलिं छुं नं छुं कथंया कारबाही याना हे त्वतेगु खँ धायादीगु दु ।

नेपालगंजय् क्रान्तिकारी पत्रकार संघं बिहिवाः याःगु ज्याझ्वलय् वयेकलं प्रधानसेनापति कटवालं आत्मसमिक्षाया पलेसा वं छुयात व हे ठीकयात धइगु आशय कथं लिसः छ्वाह:गु धयादिल । वयेकलं प्रमुख प्रतिपक्षी दल नेपाली कांग्रेसं राष्ट्रपतियात संविधानया दायरा उलंघन यायेत अग्रसर यानाच्वंगु द्वपं बियादिसें वयेकलं संसदीय व्यवस्थाय् राष्ट्रपति सेरिमोनियल जुइमाः धयादिल ।