'स्वंगू दल संविधान निर्माण व सरकार गठन यायेत असफल'
उपप्रधानमन्त्री विजयकुमार गच्छदारं प्रमुख स्वंगू दलया नेतात सहमतिलय् संविधान निर्माण व सरकार गठन यायेत असफल जूगु द्वपं बियादीगु दु ।
आइतवाः येँय् याःगु छगू साक्षात्कार ज्याझ्वलय् उपप्रधानमन्त्री गच्छदारं स्वंगू पार्टीत दलगत स्वार्थय् लगे जूगुलिं राजनितिक निकास बीमफुगु धयादिल । वय्कलं दलत संविधान स्वयां सत्ताया कासाय् लगे जुयाच्वंगुलिं ल्यं दुगु इलय् नं संविधान निर्माण जुइगु सम्भावना म्हो जक जूगु धयादिल ।
उपप्रधानमन्त्री गच्छदारं मधेसयात बेवास्ता यानाः शान्ति प्रक्रिया क्वचायेमफइगु धयादिसें मधेसी मोर्चानाप नं सहमति यायेमाःगु खँय् बः बियादिल । वय्कलं मतदाता नामावली संकलन सम्बन्धी ज्याझ्वलय् निर्वाचन आयोग नाप सहमति जूगुलिं आः उकी बाधा मयायेगु धयादिल ।
अथेहे वय्कलं माओवादीं सोलुखुम्बुलय् भारतीय राजदूत राकेश सूदयात याःगु दुव्र्यवहार कुटनितिक मर्यादाया घोर उल्लंघन व खेदजनक जूगु धयादिल ।
