प्याकेजय् सहमति जुसाः मैदान त्वतेगु सिंहया धापू

नेपाली कांग्रेसया महामन्त्री प्रकाशमान सिंहं शान्ति, संविधान निर्माण व सत्तासाझेदारी बारे प्याकेजय् सहमति जुलधाःसा कांग्रेसं चुनावी मैदान त्वतीगु खँ धयादीगु दु ।

पुतलिसतक क्लबं मोहनीया लसताय् शनिवाः येँय् याःगु तुच्चा ज्याझ्वलय् महामन्त्री सिंहं माओवादी व एमालेया कारणं देय् सरकार मदुगु अवस्थाय् लाःगु द्वपं तकं बियादिल ।

महामन्त्री सिंहं संविधान निर्माण प्रक्रिया नं न्ह्यानाच्वंगु दाबी यानादिसें न्हूगु संविधान निर्माणया निंतिं दक्वं पक्षया सक्रियता आवश्यक जूगु धयादिल ।

ज्याझ्वलय् नेकपा संयुक्तया सभासद् राघव जोशीं पार्टीगत स्वार्थ त्याग याना शान्ति व संविधान निर्माणय् लगेजुइमाःगु धयादिल ।