रामेछापय् मिं च्यानाः झिंस्वम्ह सैनिक सित

रामेछाप जिल्ला अस्पतालय नापसं च्वंगु जंगलय् मि च्यावलय् झिंस्वम्ह नेपाली सेनाया जवानत सीगु दु ।

जिल्ला प्रहरी ज्याकू रामेछापया कथं जंगलय् च्याःगु मि स्यायेत वंगु श्रीजंग गणया जवानत सीगु दु । सीपिं जवानतय् सीम्ह जिल्ल अस्पतालय् तयातःगु दु । सीपिनि ल्याः झिंस्वम्ह धाःसां ल्याचाः अप्व जुइफुगु खँ अधिकारीतय्सं धाःगु दु ।

सुथय् झिंछताः ईलय् च्याःगु मि प्यघौ लिपा तिनि नियन्त्रणय् काःगु खः । स्थानिय प्रहरी व सैनिक जवानतय्सं मी नियन्त्रणय् काःगु खः । आः अन उदार यायेगु ज्या जुयाच्वंगु दु ।