नेपाल पर्यटन दँया सच्छिन्हुया काउन्टडाउन सुरु
नेपाल पर्यटन दँ २०११या सच्छिन्हुया काउन्टडाउन थनिंनिसें सुरु जूगु दु । सन् २०११यात नेपाल पर्यटन दँ घोषणा यानातःगु नेपालं थुकीयात भव्य रुपं सफल यायेत थनिंनिसें सच्छिन्हुया काउन्टडाउन सुरु याःगु खः ।
पर्यटन दँय् सरसफाइया तःधंगु महत्व दुगु हुनिं थौं बसन्तपुली क्षेत्रय् प्रधानमन्त्री लगायत मन्त्रीतय्सं सरसफाइ यानाः सच्छिन्हुया काउन्टडाउन सुरु जूगु घोषणा याःगु खः । प्रधानमन्त्री नेपालं पर्यटन दँ सफल यायेत दक्वं नेपाःमितय्सं हातेमालो यानाः वनेमाःगु खँय् बः बियादिसें नेपाःमितय्सं थःगु नुगः व नापसं च्वंगु क्षेत्र सफा यायेमाःगु धयादिल ।
काउन्टडाउन सुरु यायेत याःगु सरसफाइ ज्याझ्वलय् प्रधानमन्त्री नेपाल नापं संस्कृति मन्त्री मिनेन्द्र रिजाल, पर्यटन मन्त्री शरदिसंह भण्डारी व स्थानीय विकास मन्त्री पूर्णकुमार शेर्माया नं ब्वति दुगु खः ।
संयोगवस्, नेपाल पर्यटन दँ २०११ थनिं सच्छिन्हु जक ल्यं दनीसाः प्रधानमन्त्री माधवकुमार नेपालं थःगु पदं राजीनामा बियादीगु थौं सच्छिन्हु थ्यंगु दु ।
