शान्ति प्रकृया व जनसंविधान निर्माण ज्या तसकं थाकूगु मोडय् : प्रधानमन्त्री

प्रधानमन्त्री पुष्पकमल दाहाल प्रचण्डं शान्ति प्रकृया व जनसंविधान निर्माण ज्या तसकं थाकूगु मोडय् थ्यंगु खँ धयादीगु दु ।

बिहिवाः यलय् जूगु छगू ज्याझ्वलय् न्ववानादिसॆं प्रधानमन्त्री दाहालं निर्णायक लडाइया तयारी यायेत थः कार्यकर्तायात निर्देशन बियादिल ।

अखिल नेपाल जनकलाकार संघया राष्ट्रिय सम्मेलनया उल्लेज्या यानादिसें वयेकलं म्हिग संविधान सभाया विरोध याईपिं विदेशी दलालतय्सं आः शान्ति प्रकृया स्यंकेत स्वयाच्वंगु द्वपं बियादिल । वयेकलं धयादिल - 'म्हिग संविधानसभाया नां तकं न्यने मास्ती मविपिं आः जं कसेयानाः शान्ति प्रकृया स्यंकेत स्वयाच्वंगु दु ।' शान्ति प्रकृया निष्कर्षय् थ्यंका जनसंविधान निर्माण यायेत सरकारय् निर्णायक संघर्ष यानाच्वंगु धासें वयेकलं थ्व प्रकृया तसकं थाकूया वनाच्वंगु धयादिल ।