आइएलओ १६९ कार्यन्वयन यायेत दवाबमूलक आन्दोलन
अन्तराष्ट्रिय महासन्धी आइएलओ १६९ कार्यन्वयनया निंतिं आदिवासी जनजाति छप्पँ जुयाः दवाबमूलक आन्दोलन यायेमाःगु खँय् सरोकारवालापिंसं बः ब्यूगु दु ।
राष्ट्रिय आदिवासी जनजाति महिला साजालं थौं येँय् याःगु 'आइएलओ कार्यन्वयनया हाथ्याः' विषयस् अन्तर्त्रिया ज्याझवलय् ब्वति कापिंसं थंज्यागु बिचाः प्वंकूगु खः । ज्याझवलय् आदिवासी जनजाति सभासद् संगठनया अध्यक्ष पृथ्वीसुब्बा गुरुङं आइएलओ १६९ कार्यन्वयनया निंतिं सरोकारवालात छप्पँ जुया सरकार, सदन व सतक स्वंगू्लिं थासं दवाबमूलक आन्दोलन यायेमाःगु धयादिल ।
ज्याझवलय् आदिवासी जनजाति उत्थान राष्ट्रिय प्रतिष्ठानया उपाध्यक्ष जितपाल किराँतं आइएलओ १६९ कार्यन्वयनया निंतिं तयार याःगु राष्ट्रिय कार्ययोजना आः मन्त्रिपरिषद्या सामाजिक समिति थ्यंसां कारवाही मन्ह्याकूगु जानकारी बियादिल । कार्ययोजनाय् थुली ईया दुने पूवंकीगु धकाः स्पष्ट उल्लेख मयाःगु हुनिं संशोधनया निंतिं मन्त्रिपरिषद्ं समितिइ छ्वगु खः ।
ज्याझवलय् डा. कृष्ण भट्टचनं अन्तराष्ट्रिय संस्थातय्सं नं आइएलओ १६९ कार्यन्वयन यायेत दवाबमूलक भूमिका म्हितेमाःगु धयादिल । अथेहे राष्ट्रिय आदिवासी जनजाति महिला महासंघया निकं चन्द्रकला गुरुङं राजनीतिक नेतृत्व पदया निंतिं ल्वनाच्वंगुलिं आइएलओ १६९ कार्यवनयन यायेत लिबागु द्वपं बियादिल ।
