राजदूत सूद भारतपाखे

प्रधानसेनापतियात सरकारं काःग स्पष्टिकरणया विषयलय् प्रधानमन्त्रीनाप पटक पटक नापलानादीम्ह भारतीय राजदूत राकेश सूद बिहिवाः न्हिनय् न्हू दिल्ली प्रस्थान यानादीगु दु । वयेकल स्वताःत्या ईलय् दिल्ली झायादीगु खः ।

वयेकलं थौं सुथय् प्रधानमन्त्रीनाप च्यागू देय्या राजदूतनाप प्रधानसेनापतिया स्पष्टिकरण प्रकरणबारे सहलह यानादीगु खः । मेमेगू देय्या राजदूतस्वयां बाघौ अप्व कयाः प्रधानमन्त्रीनाप सहलह यानादिम्ह सूदं म्हिग नं प्रधानमन्त्रीयात नापलानादीगु खः ।

प्रधानसेनापतियात स्पष्टिकरण मागयाःगु बहानय् सरकारं अवकास बीत्यंगु धासें भारतीय राजदूतं अथे मयायेत ध्यानाकर्षण यानादीगु खः ।

सूदया भ्रमण राजनीतिक ख्यलय् अर्थपूर्ण रुपय् काःगु दु ।