माओवादीया ज्यां ईयू लय्ताल
येँ (सन्ध्या टाइम्स)/माओवादीं जनसेचना समायोजन व पुनःस्थापनाया ज्या न्ह्याकूगुलिं युरोपियन युनियन लय्ताःगु दु। युनियनपाखें नर्वेजीयन दूतावासं थौं पिथंगु विज्ञप्तिइ जनसेना विशेष समिति मातहत हयेगु व पुनर्स्थापनाय यायेगु ज्या न्ह्याकेगु दलतय्गु लिपांगु सहमति लसकुस यायेबहःजू धासें पुष महिनाया दुने शान्ति प्रक्रिया निष्कर्षय् थ्यनी धकाः आशा यानातःगु दु। शान्ति प्रक्रिया निष्कर्षय् मथ्यंतले दलत लचक जुयाः सहमति व सहकार्य यानाः वनेमाःगु खँय् बः बिसें सहमति कथं ज्या न्ह्याकेत माःगु कथं ग्वाहालि यायेत थःपिं तयार दु धकाः विज्ञप्तिइ धयातःगु दु ।
