जीप दुर्घटनाय् १४म्ह सित
म्याग्दीया दाना गाविसया बाँदरजुङय् जीप दुर्घटना जुयाः १४म्ह मनूत सीगु दु । तिर्थयात्री ज्वना म्याग्दीया बेनी निसें मुस्ताङया घाँसा वनाच्वंगु ध. १. ज. ४९ नम्बरया जीप कालीगण्डकी खुसिइ कुतवंगु खः । दुर्घटनाय् प्यम्ह मिजं व न्याम्ह मिसा घटनास्थलय् सीगु खःसा निम्ह घाःपा जूगु दु ।
दुर्घटनाय् लानाः जीपया चालक गोपाल खोरजा, सहचालक सविन राई, पोखराया सविना बानिया, उगु हे थाय्या चिमबहादुर भुजेल व सरस्वती भुजेल सीगु दु । अथेहे मुस्ताङ्ग टुक्चेया सलिस्मा थकाली उगु हे थाय्या कल्साङ्ग थकाली, बाग्लुङ्गया प्रकाश शर्मा पौडेल, जुना शर्मा, लिला शर्मा व दामोदरी उपध्याय न सीगु दुसाः स्वम्हेसिया सनाखत जुइमफुनीगु खँ जिल्ला प्रहरी ज्याकू म्याग्दीं धाःगु दु ।
भिरं ७० मिटर क्वये कालिगण्डकी खुसिइ कुतवंनाः जूगु दुर्घटनाय् पोखराया तोत्र बानिया व सुस्मीता थकाली घाःपाः जूगु दु ।
