शासकीय स्वरुपया बिषयस् गम्भीर कचवं
प्रमुख स्वंगू दलत दथुइ शासकीय स्वरुप निधारर्णया बिषयस् गम्भीर कचवं ब्वलंगु दु । सभामुख सुवाचन्द्र नेम्वाङया पहलय् थौं शासकीय स्वरुप निर्धारणया सवालय् खनेदुगु मतभेद क्वचायेकेत सःतुगु २५गू दलया बैठकय् कच्वं जूगु खः । २५गू दल पाखें संसदीय दलया नेता व प्रमुख सचेतकतय्त सःतुगु बैठकय् स्वंगू तःधंगु दलं बिस्कं बिस्कं मत तःगु खः ।
एकीकृत नेकपा (माओवादीं) न्हूगु संविधानय् राष्ट्रपतिय प्रणालीया व्यवस्था यायेमाःगु प्रस्ताव तःगु दु । माओवादीं राष्ट्रपति व्यवस्थापिका संसद प्रति उदरदायी जुइमाःगु व मन्त्रिपरिषदया अध्यक्ष राष्ट्रपति हे जुइमाःगु प्रस्ताव तःगु खः । थुगु प्रस्तावयात कांग्रेस व एमालें धाःसा मेपिनिगु नक्कल जूगु द्वपं ब्यूगु दु ।
बैठकय् नेपाली कांग्रेसं संवैधानिक राष्ट्रपति व संसदं निर्वाचित प्रधानमन्त्रीया प्रस्ताव तःगु खःसा एमालं आलंकारी राष्ट्रपति व जनतां निर्वाचित प्रधानमन्त्रीया प्रस्ताव तःगु दु । कांग्रेसं थःगु प्रस्तव स्वयां मेगू तरिकां शासकीय स्वरुप निर्धारण याःसा देशय् निरंकुशता हावी जुइगु बिचाः प्वंकूगु खः ।
शाससीय स्वरुप निर्धारणया सवालय् माओवादी, कांग्रेस व एमालें बिस्कं बिस्कं प्रस्ताव तयेवं थौंया बैठक बिना निष्कर्ष क्वचाःगु खः । बिस्कं बिस्कं मतया दथुइ सहमति मालेत कन्हय् हाकन बैठक च्वनीगु धाःगु दु ।
