शान्ति व संविधान बारे बेलायती च्यूताः

बेलायतं नेपाःया शान्ति प्रक्रिया व संविधान निर्माणाया लिपांगु अवस्थाबारे च्यूताः प्वंकूगु दु । सभामुख सुभाषचन्द्र नेम्बाङनाप मंगलवाः बेलायती राजदूत जोन एन्थोनी टक्नटं नापलाना थुकीया बारे च्यूता प्वंकादीगु खः । गुक्वः तक प्रधानमन्त्री चुनाव जुसां नं प्रधानमन्त्री क्वछिमफुगु बारे नं राजदूत टक्नटं च्यूताः प्वंकादीगु खः ।

लिसलय् सभामुख नेम्वाङं दलीय कचवंया कारणं सरकार गठन जुइमफूगु व संविधान निर्माण व शान्ति प्रक्रिया लिबानाच्वंगु धयादिल । वय्कलं दलतनाप सहलह यानाः सहमति निर्माणया निंतिं थःम्हं पहल यानाच्वंगु नं धयादिल ।