मलेसियाय् शान्ति व विकासया बारे सहलह जुल : प्रचण्ड

एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' मलेसियाय् शान्ति व विकासया बारे सहलह जूगु खँ धयादीगु दु ।

मलेसियाया क्वलालम्पुरय् जूगु एसिया प्यासेफिक एक्सचेाज एण्ड कोअपेरेशन संस्थया अन्तक्रियाय् ब्वति कयाः शुक्रवाः येँय् थ्यंकादीम्ह प्रचण्डं उगु अन्तक्रियाय् थःम्हं ब्वति कयागु प्रमाण पत्रकारतय्त क्यनादिसें अन शान्ति व विकासया बारे सहलह जूगु धयादिल ।

मलेसिया वने न्ह्यः कांग्रेस नाप प्रधानमन्त्रीया उम्मेदवारी लितकायेगु बारे सकारात्मक खँल्हाबंला जूगु धयादिसें प्रचण्ड आः उकीया पाय्छि अःख जूगु धयादिल । वय्कलं रामचन्द्र पौडेलयात उम्मेदवारी लितकायेत इनाप यानादिसें थुकीया बारे कांग्रेस नाप थःम्ह सहलह यायेगु धयादिल ।