थुगुसीया नेवाः तिथि

येँ (सन्ध्या टाइम्स)/थुगुसी नेपाल संवत् ११३१ दँया तिथिमिति, नेवाःतय् नखःचखः व साइत दुथ्याःगु पञ्चांग 'नेपाल पञ्चांग समितिं' पिथनीगु जूगु दु। नेपालभाषा मंकाः खलःलिसे सहलह यासें उगु पञ्चांग पिथनेत्यंगु खः। पञ्चांग समितिं आधिकारिक रुपं हे थथे पञ्चांग दयेकेधुंकाः लिपा वि.सं.या पात्रो पिदनीबलय् नेवाः नखःचखःया विवाद म्हो जुइगु आशा मंकाः खलकं याःगु दु। पञ्चांग समितिया उगु तिथि मंकाः खलकं आवश्यकपिं सकसितं उपलब्ध याकीगु खँ नं धाःगु दु ।